Poema de Lingua

 Hoxe tócavos memorizar unhas estrofas deste poema de Carmen Baz. Recorda que mañá haberá recitado e se es capaz de saber dúas estrofas, levarás un puntiño ClassDojo por esforzo.

Dous exercicios de Lingua...

Hoxe vas repasar estes dous contidos de Lingua: a sílaba tónica e a oración (suxeito e predicado).

Colle un folio ou unha libreta calquera, pon a data de hoxe e copia os enunciados con bolígrafo. Recorda que as respostas teñen que ir en lapis.

Como todavía non está activada a Aula Virtual, enviádeme estes deberes por email, ClassDojo ou por whatsapp.

Bo finde!

Resolución do XLI Certame de Pardiñas

Boa tarde de verán! 

Acabo de ver que entre nós hai un dos gañadores do XLI certame de Pardiñas. Buscade entre os nomes... 

Noraboa, Nuria!!! 

Para recoller o premio tes que ir ao Campo da Feira de Guitiriz o 22 de agosto ás 19:00. Tamén haberá espectáculo de humor e música. A celebralo!!! 🎉🎉🎉

Resolución do fondo de libros

Ola! 

Hoxe está colgada no taboleiro do colexio a relación de beneficiarios do fondo de libros para poder curso que vén. Non a podemos subir á web por protección de datos. 

A profe Ana máis eu decidimos eliminar os libros nas linguas e dar estas materias cun enfoque máis globalizado. 

Se non solicitastes o fondo de libros, esta é a relación:

Tamén comeza hoxe o prazo para recoller o cheque de axuda ao material escolar. Remata o 15 de xullo, así que chamade ao cole para pedir a cita. 

982 82 81 48

982 82 81 50

Toda esta información está colgada na web do colexio.

Para o curso que vén

Bo día!

Xa están en marcha diferentes prazos:


- Solicitude de praza de comedor: do 22 de xuño ata o 10 de xullo.

- Solicitude de transporte escolar: ata o 15 de xullo.

Se alguén ten irmáns en infantil, tamén saiu a axuda para comprar o material. Preme aquí e irás directo á web do cole.

Dúas escritoras!

Hoxe o Concello revelou os gañadores do Concurso de Microrrelato.

Noraboa!!!

VENRES 19

Bo día, rapaciñas e rapaciños!!

Último día de cole... que estrano se fai non facelo xuntos, verdade? Pero recordade que hoxe é un día de festa!

Así que imos pasar esta preciosa mañá vendo aos tres mosqueteiros de 3º A corrixindo os seus tres problemas. 

E xa non hai máis problemas para este curso. 😎

Tamén imos recordar todo o que fixestes durante este tempo de reclusión caseira. Queremos dicirvos que as profes estamos abraiadas coa vosa capacidade de traballo e a actitude tan positiva que conseguistes transmitirnos.

Aquí van:

Non somos moi de mandar tarefas para o verán, pero sempre vos recomendaremos ler un pouquiño cada día, facer un ditadiño pequeno de vez en cando e repasar o cálculo mental (sumas, restas e as táboas de multiplicar). Se prefires algunha recomendación máis específica, mándanos unha mensaxe e intentaremos orientarvos.

Se alguén se pregunta, cando poderedes ver as notas deste curso, tendes que agardar ás 16:00 e sobretodo, ter paciencia... Todos os pais de Galicia estades entrando na mesma aplicación, así que é normal que non funcione ben. Paciencia 😇😇

E xa está todo por hoxe... 

Botareivos moito de menos, pero intentarei consolarme sabendo que en setembro vos terei a todos comigo outra vez 😍😍😍😍😍😍😍

Pasade bo verán!!!