Orgullo de clase

Hoxe na garda de recreo achegóuseme unha nena cas mans cheas de lixo e díxome:

- Profe, o patio está moi sucio, podo limpalo un pouco?

Axiña se xuntaron uns dez compañeiros e, cunhas luvas de plástico, deixamos o patio niquelado.

Tiña preparado este vídeo para tratar o tema na clase, xa que é verdade, o patio ultimamente está cheo de bolsiñas de plástico, de briks, de envases de iogur... que nós mesmos arroxamos sen ningún tipo de remordemento.

Aínda non o puxen na clase porque quedei tan orgullosa deles que todavía non o acabo de crer. A ver se para a semana atopo un oco e lle botamos unha ollada. 

Estou segura que serán os mellores ecopatrulleiros do colexio.