Día de repaso

Hoxe estivemos repasando todo o que levamos traballando no trimestre nas asignaturas de Linguas, tanto en castelán coma en galego. 

Distribuímos a aula en seis estacións, cada unha cunha misión e nunha lingua. Este tipo de traballo axúdanos a diferenciar unha lingua da outra porque na nosa cabeza todavía están un pouco difuminadas.

ESTACIÓN "PATATAS FRITAS"

Xa xogaramos a este xogo máis veces, pero desta volta o traballo era individual. Cada un elixiu dez patacas, escribiunas no seu caderno, separounas en sílabas e anotou se se trataba de agudas, graves ou esdrúxulas. 

ESTACIÓN "YO TENGO, TÚ TIENES"

Este xogo é novo na clase, aínda que xa xogaramos a el onte. Repartimos as tarxetas, decidimos quen empeza e temos que buscar nas nosas tarxetas se teño o que o meu compañeiro pideu, un antónimo ou un sinónimo. 

ESTACIÓN "REVISA E PUNTÚA"

Traballo en grupo para chegar a un acordo sobre a puntuación dunhas oracións. Corrixir e debatir.

ESTACIÓN "ORACIÓNS"

Dunha lista de oracións, subliñar o suxeito e o predicado e explicar se eran enunciativas, exclamativas ou interrogativas. Traballo individual.

ESTACIÓN "DESCRIPCIÓN DUNHA PAISAXE"

Elexir unha paisaxe da caixa de fotos da profe, describila seguindo o guion aprendido e mañá xogaremos a adiviñar de que foto se trataba.

ESTACIÓN "REGLAS DEL JUEGO" 

Traballo grupal, dedicir que xogo facemos e explicar cal é o procedemento para xogar. Ademais tiñamos que escribir dúas normas. 

Test sobre signos de puntuación

Xogos sobre o corpo humano

25 de Novembro

Hoxe celebramos o Día Internacional Contra a Violencia de Xénero participando en dous grandes proxectos.

O primeiro impulsado desde o CEIP Aquilino Iglesias Alvariño chamado #Equaliter no que levamos participando xa uns anos. Desta vez consistía en que cada un de nós dexase a súa pegada na contorna dun paxaro. E así foi o mural que fixemos entre todo o colexio.

E tamén partipamos na proposta do Concello de reunirnos todos xuntos na praza da Constitución para ler un manifesto e berrar todos a unha pola erradicación da violencia. Levamos un zapatiños vermello como símbolo de loita.

  

  

  

Sacamos todos unha foto de familia coa camiseta que nos regalou o Concello co lema "Vilalba en Negro".

E ao chegar, unha foto da pequena familia que montamos na clase.

Os sentidos

Acércase o control sobre os sentidos e déixovos un mini xogo para reforzar algún contido

Inauguración do Dojo Banco

Hoxe (por fin!) inauguramos o Dojo Banco.
Está situado nunha esquina da aula.





Nas caixas hai todo tipo de billetes e moedas, todas co selo do Dojo Banco. 

Cada un foi ao caixeiro e sacou en efectivo a cantidade que tiñan nas súas contas. 

Despois pasaron pola tenda e a maioría decideu mercar algo, aínda que houbo quen prefireu aforrar.

Desta volta todos os prezos foron sen céntimos, pero as seguintes serán con prezos máis complicados. 

Traballar os cartos é algo tremendamente importante. Manexar os billetes e as moedas, saber dar as voltas... Parécenos moi sinxelo desde o punto de vista adulto, pero hoxe houbo un par de preguntas tipo "onde hai o billete de 6€?". 

Cumprecontos de Enea

Hoxe Enea trouxo o seu conto do Ratiño Pérez para lernos na clase. Viña firmado e adicado para ela e para o seu irmán Diego. 

Parabéns, Enea!

Magosto 2019

Hoxe celebramos o Magosto no colexio. Viñemos todos disfrazados de choqueiros.

Baixamos ao pavillón a xogar a seis xogos diferentes e despois subimos ás aulas a comer castañas e boliños preñados.

Si, contastes ben. Só hai fotos de cinco xogos. Do sexto non nos lembramos de sacalas e tampouco das castañas nin dos boliños. Pero tedes que comprendelo, estaban boísimos!