Fin de curso

E de súpeto chegou xuño e sen darnos conta, acabou o curso. 

Recordo o primeiro día con vós. Todos me mirabades coa pena que produce cambiar de mestra e volver a adaptarse a unha nova persoa. E eu recén chegada ao cole e diante de min 46 ollos espectantes. 

Pasaron moitas cousas desde aquel momento, algunhas boas e outras aínda mellores. Houbo moita charla e moitas risas,  pero tamén traballo e esforzo polas dúas partes.  

Despídome de vós aínda que vos terei moi preto. Gardarei na miña memoria moitos momentos e a todos,  no meu corazón. 

Moitas gracias por compartir conmigo este curso. 

Pasade bo verán!  

Seguridade Viaria

Despois de moitos atrancos, por fin vos presentamos o noso traballo de seguridade viaria!

Cumprecontos de Nerea

Nerea quixo adiantar o seu cumpreanos (o 25 de xuño) para poder lernos este libro tan especial para ela "Querida niña".

Parabéns, Nerea! Felices 8!

Liña do tempo

Hoxe rematamos a liña do tempo que comezamos o venres.

Trátase dunha liña do tempo un pouco reducida porque tan só entra o ano 2011 para poñer os nosos nacementos.

Aquí as podedes ver todas xa rematadas.

E o grupo que mellor traballou e primeiro rematou... Noraboa polo voso traballo en equipo!

Traballo en grupo

Algo que se nos segue atragantando este curso é o traballo en grupo. Tomar decisións conxuntas, acatalas e saber lidiar con diferentes persoas é algo realmente complicado. 

Por iso, hoxe comezamos con esta pequena actividade: elaborar unha liña do tempo do ano 2011.

Cada grupo de seis recibeu un trozo de papel que debeu medir e decidir como situar as nosas datas de nacemento. Repartir en partes iguais, medilas... Pero o máis difícil é repartir o traballo e delegar, ai! aprender a delegar, e a aceptar críticas.

Temos que comentar que dous grupos funcionaron moi ben e aínda que houbo enfados, souberon reverter esa situación e seguir traballando con normalidade e dilixencia.

Excursión a Marcelle

Hoxe fomos de visita a Marcelle e a chegada foi tan ás présas que non tivemos tempo nin para sacar unha foto todos xuntos porque nos repartiron rapidamente en grupos con diferentes monitores.

Xuntámonos todos para comer.

E mentres agardábamos polos autobuses si tivemos tempo para facer a de grupo.

As excursións a este tipo de instalacións están cheas de novas experiencias e de ver animais que non vemos na nosa contorna. É de agradecer que os teñan ben coidados, pero os nenos e nenas de 2ºB preferiríamos velos no seu hábitat e así viaxar dando a volta ao mundo!

Aquí vos deixo a foto deste osiño entretido zugando o mel deste tonel.

Certame Benxamin Paz

Onte foi o Certame Benxamin Paz é así clases de 2° xuntámonos para cantar "Queremos Galego" de Pablo Díaz.

Último ensaio

A actuación estivo xenial!

Tamén actuaron os nenos e nenas de 5°B coa obra de teatro "Escola de Menciñeiros" de Álvaro Cunqueiro e dirixidos pola súa titora María Guerrero.

Desde aquí queremos dar a gracias a todos os que puidestes vir e dar a noraboa a todos os premiados!!