25 de Novembro

Hoxe celebramos o Día Internacional Contra a Violencia de Xénero participando en dous grandes proxectos.

O primeiro impulsado desde o CEIP Aquilino Iglesias Alvariño chamado #Equaliter no que levamos participando xa uns anos. Desta vez consistía en que cada un de nós dexase a súa pegada na contorna dun paxaro. E así foi o mural que fixemos entre todo o colexio.

E tamén partipamos na proposta do Concello de reunirnos todos xuntos na praza da Constitución para ler un manifesto e berrar todos a unha pola erradicación da violencia. Levamos un zapatiños vermello como símbolo de loita.

  

  

  

Sacamos todos unha foto de familia coa camiseta que nos regalou o Concello co lema "Vilalba en Negro".

E ao chegar, unha foto da pequena familia que montamos na clase.

Os sentidos

Acércase o control sobre os sentidos e déixovos un mini xogo para reforzar algún contido

Inauguración do Dojo Banco

Hoxe (por fin!) inauguramos o Dojo Banco.
Está situado nunha esquina da aula.





Nas caixas hai todo tipo de billetes e moedas, todas co selo do Dojo Banco. 

Cada un foi ao caixeiro e sacou en efectivo a cantidade que tiñan nas súas contas. 

Despois pasaron pola tenda e a maioría decideu mercar algo, aínda que houbo quen prefireu aforrar.

Desta volta todos os prezos foron sen céntimos, pero as seguintes serán con prezos máis complicados. 

Traballar os cartos é algo tremendamente importante. Manexar os billetes e as moedas, saber dar as voltas... Parécenos moi sinxelo desde o punto de vista adulto, pero hoxe houbo un par de preguntas tipo "onde hai o billete de 6€?". 

Cumprecontos de Enea

Hoxe Enea trouxo o seu conto do Ratiño Pérez para lernos na clase. Viña firmado e adicado para ela e para o seu irmán Diego. 

Parabéns, Enea!

Magosto 2019

Hoxe celebramos o Magosto no colexio. Viñemos todos disfrazados de choqueiros.

Baixamos ao pavillón a xogar a seis xogos diferentes e despois subimos ás aulas a comer castañas e boliños preñados.

Si, contastes ben. Só hai fotos de cinco xogos. Do sexto non nos lembramos de sacalas e tampouco das castañas nin dos boliños. Pero tedes que comprendelo, estaban boísimos!

Kids and Arts

Hoxe a clase de plástica foi bastante diferente. Á profe entráronlle as ganas de falarnos en inglés e deunos todas as instrucións así. O curioso foi que entendemos sen apenas esforzo, porque temos un vocabulario aprendido pero adormecido no fondo da memoria e coa axuda dalgún xesto, non houbo problema.

Samaín

O mércores vimos todos disfrazados de cousas terroríficas, bruxas, esqueletes, paiasos asasinos...

Iso que vedes colgando son as nosas pantasmas.

Tamén nos deu tempo a teatralizar o conto "Corre, corre, cabaciña" para contárllelo a infantil e aos compis de primeiro curso.

  

E aquí vos deixo o vídeo da representación no patio de infantil.