Quérovos agradecer a todos que confiarades en min a educación dos vosos fillos. Ao longo destes dous cursos, todo foron palabras boas e moita coordinación e colaboración, e iso os nenos nótano.
Despois de conseguir todas as enquisas que vos mandei, o resultado foi que os contidos destes dous anos permanecerán no blogue. A min tamén me daba pena ter que borrar todo, pero non é decisión miña. Sodes vos os que tedes que decidir sobre a protección de datos. De todos os xeitos, calquera cousa que preferides que non esté, ou dentro de tres anos nos de vergoña atopar, mandádesme un email e xa arreglariamos (recordo o email patriciabermudez@edu.xunta.es).
Como lle dixen aos nenos o xoves, non quero ver caras tristes. Non me vou para Burkina Faso, quedo en Vilalba e ímonos ver moitas veces pola vila. Eu recordareivos a todos e agardo que vós non me esquezades.
Aquí vos deixo o último vídeo deste curso.
Por certo, houbo quen olvidou na clase os rotuladores, unha carpeta ou as caixas dos xogos. Subirei todo ese material para a aula de 3º B ao igual que o montonazo de folios que sobrou.
Unha aperta moi grande a todos e moitísimas gracias por todo.
